काठमाडौं-राष्ट्रपति रामचन्द्र पौडेल र प्रधानमन्त्री पुष्पकमल दाहाल ‘प्रचण्ड’बीच भेटवार्ता भएको छ ।

राष्ट्रपतिलाई भेट्न प्रधानन्त्री दाहाल शीतल निवास पुगेका हुन् । स्रोतका अनुसार राष्ट्रपति रामचन्द्र पौडेलसँग प्रधानमन्त्रीबीच भेटवार्ता जारी छ ।

आज मन्त्रिपरिषद् विस्तार गर्ने प्रधानमन्त्रीको तयारी छ । आजै अपरान्ह नयाँ मन्त्रीको शपथ गराउने गरी गृहकार्य भइरहेको बेला प्रधानमन्त्री मन्त्रिपरिषद् विस्तार, शपथलगायतका विषयमा परामर्शका लागि राष्ट्रपति भेट्न शीतलनिवास पुगेको बताइएको छ ।

सत्ता साझेदार दलहरुको बीचमा कांग्रेसले आठ, माओवादी पाँच, एकीकृत समाजवादी र जनता समाजवादी पार्टी (जसपा)ले दुई/दुई र जनमत पार्टी, लोकतान्त्रिक समाजवादी पार्टी, नागरिक उन्मुक्ति पार्टी र नेपाल समाजवादी पार्टीलाई एक/एक मन्त्रालय दिने सहमति भएको छ ।