काठमाडौं-नेपाली कांग्रेस सभापति शेरबहादुर देउवा नेतृत्वको केन्द्रीय कार्यसमितिको म्याद आगामी २०८३ जेठ मसान्तसम्म थप्ने प्रस्ताव गरिएको छ।

शुक्रबार बसेको पार्टीको केन्द्रीय कार्यसम्पादन समितिको बैठकमा कार्यवाहक सभापति पूर्णबहादुर खड्काले केन्द्रीय कार्यसमितिसहित कांग्रेसका सबै तह र निकायको कार्यकाल थप्ने प्रस्ताव पेश गरेका हुन्।

प्रस्तावमा वर्तमान विशेष परिस्थितिलाई मध्यनजर गर्दै पार्टी संगठनमा निरन्तरता आवश्यक भएको उल्लेख गरिएको छ।

खड्काद्वारा प्रस्तुत प्रस्तावमा नेपाली कांग्रेसको विधान, २०१७ (संशोधन सहित) को धारा ४३ बमोजिम पार्टीका सबै तह र निकायका पदाधिकारी तथा सदस्यहरूको पदावधि २०८३ जेठ मसान्तसम्म थप्ने स्पष्ट व्यवस्था गरिएको छ।

यदि केन्द्रीय कार्यसम्पादन समितिको बैठकबाट उक्त प्रस्ताव पारित भएमा, केन्द्रीय कार्यसमितिदेखि तल्ला तहसम्मका सबै पार्टी निकायको म्याद स्वतः २०८३ जेठ मसान्तसम्म लम्बिनेछ।