काठमाडौं-नेपाली कांग्रेसभित्र विशेष महाधिवेशनलाई लिएर चर्किएको विवादकाबीच सभापति शेरबहादुर देउवा र नेता शेखर कोइरालाबीच वार्ता भएको छ ।

सभापति देउवाको महाराजगञ्जस्थित निवासमा जारी भेटमा महामन्त्रीद्वय गगन थापा र विश्वप्रकाश शर्माले आह्वान गरेको विशेष महाधिवेशनका विषयमा दुई शीर्ष नेताबीच वान टु वान छलफल भएको हो ।

वार्ताका क्रममा नेता कोइरालाले पार्टीभित्र देखिएको आन्तरिक विवाद समाधान गर्न र कांग्रेसलाई एकतावद्ध बनाउने पहल कदमी लिन सभापति देउवालाई आग्रह गरेका छन् ।

विशेष महाधिवेशनका कारण पार्टी विभाजनको आशंका बढिरहेका बेला भएको यो भेटलाई महत्वपूर्ण रूपमा हेरिएको छ।