मङ्लबार, माघ १, २०८१
सहकारी ठगी प्रकरण : रवि लामिछानेको बयान सकियो
- शुक्रबार, पुस १२, २०८१
काठमाडौं– राष्ट्रिय स्वतन्त्र पार्टीका सभापति रवि लामिछानेको बयान सकिएको छ । पोखराको सूर्यदर्शन सहकारी ठगी मुद्दाका आरोपी लामिछानेको बयान आज सकिएको हो ।
जिल्ला न्यायाधीश नीतिज राईको इजलासमा लामिछानेको बयान लिइएको थियो । अहिलेसम्म छविलाल जोशी, लिला पछाईं र रविको बयान सकिएको छ । रविलाई २ दिनमा २६ भन्दा बढी प्रश्न गरिएको थियो ।अब नेचर हर्ब्सका सञ्चालक रामबहादुर खनाल, पूर्व सांसद मीना गुरूङ, पूर्व कोषाध्यक्ष आरती गुरूङ, पूर्वसञ्चालक ललितबहादुर गुरूङ, पूर्व सञ्चालक कृष्णबहादुर गुरूङको बयान बाँकी छ । सबै प्रतिवादीहरूको बयान सकिएपछि मात्र थुनछेकको बहस र आदेश हुने अदालतले जनाइएको छ ।
गत आइतबार जिल्ला सरकारी वकिलको कार्यालय, कास्कीले सहकारीको रकम अपचलनको आरोपमा रास्वपा सभापति लामिछानेसहित ४४ जनाविरुद्ध मुद्दा दायर गरेको थियो । लामिछानेमाथि सहकारी ठगीसँगै संगठित अपराध र सम्पत्ति शुद्धिकरण कसुरमासमेत मुद्दा दायर भएको छ ।
Facebook Comments
