кракен ссылкакракен ссылка
बिहिबार, असार १९, २०८२
चार ठाउँमा पहिरो खस्दा पासाङल्हामु राजमार्ग अवरुद्ध
- बुधबार, असार १८, २०८२
काठमाडौं-पहिरोले पासाङ ल्हामु राजमार्ग अवरुद्ध भएको छ ।
रसुवाको गोसाइँकुण्ड गाउँपालिका–२ का तातोपानी डाँडा, बालुवाखानी, फ्याङलुङ र लिङलिङमा पहिरो खस्दा पासाङ ल्हामु राजमार्ग दुईतर्फी नै अवरुद्ध भएको हो ।
तातोपानी डाँडा र बालुवा खानीमा पहिरो खसेको ठाउँमा इलाका प्रहरी कार्यालय टिमुरेबाट प्रहरी नायव निरीक्षक धनबहादुर तामाङ नेतृत्वको टोली खटिएको छ । बाटो खुलाउनका लागि रसुवागढी हाइड्रोपावरसँग समन्वय भइरहेको प्रहरीले जनाएको छ ।
यसैगरी फ्याङलुङ र लिङलिङमा पहिरो खसेको ठाउँमा स्याफ्रुबेंशीबाट प्रहरी सहायक निरीक्षक ज्ञान बहादुर थापा नेतृत्वको टोली खटिएको छ । बाटो खुलाउन पहल भइरहेको बताइएको छ ।
