काठमाडौं-नेकपा एकीकृत समाजवादीका अध्यक्ष एवं पूर्वप्रधानमन्त्री माधवकुमार नेपालले सत्तारुढ गठबन्धनभित्र खटपट शुरु भइसकेको दाबी गरेका छन् ।

ललितपुरको बालकुमारीस्थित एक बैंक्वेटमा शनिबारबाट शुरु भएको केन्द्रीय समितिको बैठकमा अध्यक्ष नेपालले सत्तारुढ गठबन्धनले प्रधानमन्त्री पुष्पकमल दाहाललाई राष्ट्रपति निर्वाचनसम्म पनि थेग्न सक्ने अवस्था नरहेको दाबी समेत गरेका हुन् ।

उनले संसदको रोष्टममा उभिएर संविधानको विरोध गर्नेहरु, राजतन्त्रको वकालत गर्नेहरु, संविधान, कानुन र नियमको पालना नगर्नेहरु सरकारमा रहेको भन्दै त्यसले जनतामा निराशा छाएको तर्कसमेत गरे ।

अध्यक्ष नेपालले निराश नभई पार्टीलाई देशव्यापी बनाउन पार्टीका नेता, कार्यकर्तालाई निर्देशन समेत दिए ।