काठमाडौं-संघीय संसद् अन्तर्गतका २ समितिको बैठक बस्दै छ ।

संघीय संसद् सचिवालयका अनुसार कानून, न्याय तथा मानव अधिकार समिति र शिक्षा, स्वास्थ्य तथा सूचना प्रविधि समितिको बैठक बैठक बस्न लागेको हो । ती दुवै समितिको बैठक सिंहदरबारस्थित कार्यालयमा बस्ने छन् ।

बिहान ११ः०० बजे बस्ने कानून, न्याय तथा मानव अधिकार समितिको बैठकमा राष्ट्रिय मानव अधिकार आयोगको काम कारबाहीको हालको अवस्थाका बारेमा छलफल गरिने छ ।

यसैगरी, बिहान १०ः३० बजेका लागि शिक्षा, स्वास्थ्य तथा सूचना प्रविधि समितिको बैठक बस्नेछ । जुन बैठकमा पुरानै एजेन्डा शहीद दशरथ चन्द स्वास्थ्य विज्ञान विश्वविद्यालय विधेयक, २०८० माथि संशोधनकर्तासँग छलफल हुने समितिले जनाएको छ ।