बुधबार, माघ ९, २०८१
आज खोखो विश्वकपको फाइनल खेल्दै नेपालका महिला र पुरुष टोली
- आइतवार, माघ ६, २०८१
काठमाडौं –खो–खो विश्वकपको उपाधिका लागि नेपालका दुवै टोलीले आज आयोजक भारतसँग खेल्दैछन् ।
पुरुषतर्फको फाइनल खेल नेपाली समय अनुसार बेलुका ८ बजे र महिलातर्फको बेलुका सवा ५ बजे शुरु हुनेछ । खेल नयाँ दिल्लीमा रहेको इन्दिरा गान्धी इन्डोर स्टेडियममा हुनेछ ।
हिजो भएको सेमिफाइनलमा पुरुषतर्फ नेपालले इरान र भारतले दक्षिण अफ्रिकालाई हराउँदै फाइनलमा पुगेका हुन् ।
महिला टोली अपराजित रहँदै उपाधि नजिक पुगेको हो । नेपालको महिला टोलीले हिजो भएको सेमिफाइनलमा युगान्डा र भारतले दक्षिण अफ्रिकालाई हराउँदै फाइनल पुगेका थिए ।
Facebook Comments
