चितवन-नेकपा (माओवादी केन्द्र) का अध्यक्ष पुष्पकमल दाहालले ‘प्रचण्ड’ले आउँदो आमनिर्वाचनसम्ममा सबै माओवादीलाई पार्टीको झन्डामुनि एकताबद्ध गरिने बताएका छन् ।

पार्टीको तराई–मधेस जागरण अभियानअन्तर्गत शनिबारचितवनमा आयोजित जागरणसभामा बोल्दै पूर्वप्रधानमन्त्री समेत रहेका प्रचण्ड यस्तो बताएका हुन् ।

उनले विसं २०८४ को निर्वाचनमा माओवादीहरू र समाजवादीलाई एकताबद्ध गर्ने ठाउँमा ल्याउने तयारीमा रहेको बताए । उनले माओवादी कमजोर हुँदा प्रतिगामी तत्त्व सल्बलाएका दाबी गरे ।

आफूहरू पहिलेदेखि नै प्रत्यक्ष निर्वाचित कार्यकारी राष्ट्रपतिको पक्षमा रहेको उनले बताए । देशको विकासका निम्ति प्रत्यक्ष निर्वाचित कार्यकारी राष्ट्रपति हुन आवश्यक रहेकामा उनले जोड दिए ।