AarthikBikash
बिहिबार, चैत्र २०, २०८१
  • होमपेज
  • राजनीति
  • प्रधानमन्त्री ओली र भारतीय समकक्षी मोदीबिच भेटघाट हुँदै

प्रधानमन्त्री ओली र भारतीय समकक्षी मोदीबिच भेटघाट हुँदै

  • बुधबार, चैत्र १९, २०८१
प्रधानमन्त्री ओली र भारतीय समकक्षी मोदीबिच भेटघाट हुँदै

काठमाडौं-थाइल्याण्डको औपचारिक भ्रमणमा रहेको प्रधानमन्त्री केपी शर्मा ओली र भारतका प्रधानमन्त्री नरेन्द्र मोदीबिच भेटवार्ता हुने भएको छ ।

परराष्ट्र मन्त्रालय स्रोतका अनुसार प्रधानमन्त्रीद्वयबिच शुक्रबार ४ बजे भेटवार्ता हुने भएको छ । नेपालका प्रधानमन्त्री ओली हिजै थाइल्यान्ड पुगिसकेका छन् भने भारतका प्रधानमन्त्री मोदी भोलि थाइल्यान्ड पुग्नेछन् ।

भारतका प्रधानमन्त्री मोदी अप्रिल ४ मा थाइल्यान्डबाट श्रीलङ्का प्रस्थान गर्ने कार्यक्रम छ । श्रीलङ्का उड्नुअघि प्रधानमन्त्री अ‍ोलीसँग भेटघाटको समय राखिएको छ ।

प्रधानमन्त्री ओली थाइल्यान्डबाट अप्रिल ५ अर्थात् चैत २३ गते नेपाल फर्किने कार्यक्रम रहेको छ । प्रधानमन्त्री ओली र भारतका प्रधानमन्त्री मोदी बिचको सम्बन्धमा पछिल्लो समय चिसोपना देखिँदै आएको छ ।

नेपालको तर्फबाट मोदीले भ्रमणको निमन्त्रणा पाए पनि हालसम्म आएका छैनन् । उता भारतले प्रधानमन्त्री ओलीलाई भ्रमणको निम्तो दिएको छैन ।

ओली प्रधानमन्त्रीमा नियुक्ति हुने बित्तिकै भारत भ्रमणमा जाने इच्छा देखाएका थिए तर भारतले नबोलाएपछि उनी चीन भ्रमणमा गएका थिए । चीन गएर बीरआरआई कार्यान्वयनमा हस्ताक्षर गरेपछि भारत र नेपालबिच झन् दुरी बढेको छ ।

Facebook Comments

सम्बन्धित समाचार