mega darknetmega darknet
बिहिबार, भदौ १९, २०८२
फेसबुकसहित २६ सामाजिक सञ्जाल बन्द गर्ने सरकारको निर्णय
- बिहिबार, भदौ १९, २०८२
काठमाडौं-सरकारले फेसबुकसहित २६ वटा सामाजिक सञ्जाल बन्द गर्ने निर्णय गरेको छ ।
२०८२ भदौ ९ गते बसेको मन्त्रिपरिषद् बैठकले नेपालमा सञ्चालन भइरहेका सामाजिक सञ्जाललाई एक साताभित्र सूचीकरण हुन निर्देशन दिएको थियो ।
स्रोतका अनुसार सञ्चार तथा सूचना प्रविधिमन्त्री पृथ्वीसुब्बा गुरुङको अध्यक्षतामा बसेको मन्त्रिस्तरीय निर्णयले सूचीकरण हुन नआउने सामाजिक सञ्जाल बन्द गर्ने निर्णय गरेको हो ।
सरकारले गरेको यो निर्णय दूरसञ्चार प्राधिकरणमार्फत आजै कार्यान्वयन हुने भनिएको छ।
सरकारले यस्तो निर्णय लिँदा सर्वोच्च अदालतको परमादेश र यसअघि मन्त्रिपरिषद्का निर्णय कार्यान्वयन गर्न’ भनिएको छ।
नेपाल सरकारले फेसबुक, युट्युब, इन्स्टाग्राम, एक्सलगायत सामाजिक सञ्जाललाई दर्ता गर्न दिएको सात दिनको समयसीमा बुधबार मध्यराति सकिएको थियो ।
