काठमाडौं-अस्पतालको लापरबाहीले गर्भवतीकोको मृत्यु भएको भन्दै आफन्तले प्रदर्शन गरेपछि किष्ट अस्पतालमा तनाव भएको छ ।

मृतकका आफन्तले प्रहरी घेरा तोडेर अस्पताल तोडफोड गरेका छन् । प्रहरीले बल प्रयोग गरेर भीड तितरबितर पारेको छ ।

त्यहाँ शनिबार एकजना गर्भवतीको ज्यान गएको थियो। आक्रोशित आफन्तले आइतबार पनि अस्पतालमा सामान्य तोडफोड समेत गरेका थिए।

अस्पतालको लापरबाहीले गर्भवती महिलाको ज्यान गएको आफन्तहरूको आरोप रहेको छ । अहिलेसम्म अस्पतालले संवादका लागि समेत नबोलाएको उनीहरूको भनाइ छ ।

अहिले अस्पतालमा बाक्लो सङ्ख्यामा सुरक्षाकर्मी परिचालन गरिएको छ ।