मोरङ-नेपाली कांग्रेसका नेता डा. शेखर कोइरालाले मोरङको निर्वाचन क्षेत्र नम्बर ६ बाट मनोनयन दर्ता गराएका छन् ।
आगामी २१ फागुनमा हुने प्रतिनिधिसभा सदस्य निर्वाचनका लागि नेता कोइरालाले आज विराटनगरस्थित निर्वाचन अधिकृतको कार्यालय पुगेर मनोनयन दर्ता गराएका हुन् ।
गत निर्वाचनमा पनि कोइराला सोही क्षेत्रबाट निर्वाचित भएका थिए ।
उनले यसै निर्वाचन क्षेत्रबाट नेकपा एमालेका लालबाबु पण्डितलाई पराजित गरेका थिए ।
यो पटक कोइरालासँग एमालेका विनोद ढकालको प्रतिस्पर्धा हुँदैछ ।