बुधबार, चैत्र ११, २०८२
फेरि बढ्यो पेट्रोल, डिजेल र मट्टितेलको मूल्य
- बुधबार, चैत्र ११, २०८२
काठमाडौं – नेपाल आयल निगमले पेट्रोल, डिजेल र मट्टितेलमा प्रतिलिटर १५ रुपैयाँ मूल्य वृद्धि गरेको छ ।
बुधबार राति १२ बजेदेखि लागू हुने गरी गरिएको मूल्यवृद्धि अनुसार पेट्रोलको मूल्य पहिलो वर्गमा १८४ रुपैयाँ ५० पैसा, दोस्रो वर्गमा १८६ रुपैयाँ र तेस्रो वर्गमा १८७ रुपैयाँ पुगेको छ।
त्यस्तै डिजेल र मट्टितेल पहिलो वर्गमा १६४ रुपैयाँ ५० पैसा, दोस्रो वर्गमा १६६ रुपैयाँ र तेस्रो वर्गमा १६७ रुपैयाँ पुगेको निगमले जनाएको छ।
मध्यपूर्वमा जारी युद्धका कारण अन्तर्राष्ट्रिय बजारमा पेट्रोलियम पदार्थको निरन्तर मूल्यवृद्धि भइरहेको निगमको भनाइ छ ।
