मङ्लबार, बैशाख २९, २०८३
एमाले संसदीय दलको उपनेतामा पद्या अर्याल
- मङ्लबार, बैशाख २९, २०८३
काठमाडौं – नेकपा एमालेले प्रतिनिधिसभा संसदीय दलको उपनेतामा पद्या अर्याललाई चयन गरेको छ ।
मंगलबार संसदीय दलले अर्याललाई दलको उपनेतामा मनोनीत गरेको हो ।
एमाले केन्द्रीय कमिटी सचिवसमेत रहेकी अर्याल फागुन २१ को चुनावपछि समानुपातिकबाट सांसद बनेकी हुन् ।
दलको नेतामा यसअघि नै रामबहादुर थापा चयन भइसकेका छन् । एमालेले दुवै समानुपातिक सांसदलाई दलको नेता र उपनेता चयन गरेको हो ।
यसअघि दलको प्रमुख सचेतकमा ऐन महर र सचेतकमा नीता घतानी मनोनीत भएका थिए ।
