кракен ссылкакракен ссылка
शुक्रबार, जेष्ठ २४, २०८२
संसदको अवरोध हटाउन शीर्ष दलका प्रमुख सचेतकसँग सभामुख घिमिरेले गरे छलफल
- आइतवार, भदौ ३०, २०८१
काठमाडौं-प्रतिनिधिसभाको अवरोध हटाउने विषयमा सभामुख देवराज घिमिरे र शीर्ष दलका प्रमुख सचेतक र सचेतकहरूबीच छलफल सुरू भएको छ।
नेकपा माओवादी केन्द्रले सदन अवरोध गर्ने बताएपछि संसद् बैठक अघि सभामुखले दलका प्रमुख सचेतकहरूसँग छलफल गरेका हुन्।
छलफलमा नेपाली कांग्रेस, नेकपा एमाले, नेकपा माओवादी केन्द्र, राष्ट्रिय स्वतन्त्र पार्टी र राष्ट्रिय प्रजातन्त्र पार्टीका प्रमुख सचेतकहरू सहभागी छन्।
सभामुख घिमिरेले भदौ २६ गतेको बैठकमा एमाले सांसद योगेश भट्टराईले प्रतिनिधि सभा बैठकमा प्रयोग गरेको ‘हिंसा’ शब्द असंसदीय नभएको रूलिङ गरेका थिए।
सांसद भट्टराईले संसदमा बोल्ने क्रममा हिंसा प्रयोग गरेको भन्दै माओवादी केन्द्रका प्रमुख सचेतक हितराज पाण्डेले नियमापत्ति गरेका थिए।
आज प्रतिनिधिसभा बैठक अगाडी हिंसा शब्दमा माओवादीले जनाएको आपत्तिको विषयलाई सहमतिमा टुङ्गोमा पुर्याउने सभामुखको तयारी छ ।
