बिहिबार, मंसिर २७, २०८१
बीआरआई सम्झौताबारे बुझ्दै नबुझी टिप्पणी नगरौँ : परराष्ट्रमन्त्री राणा
- शनिबार, मंसिर २२, २०८१
काठमाडौं-परराष्ट्रमन्त्री डा.आरजु राणा देउवाले बीआरआई सम्झौताबारे बुझ्दै नबुझी टिप्पणी नर्गन आग्रह गरेकी छन् ।
जलवायु परिवर्तनसम्बन्धी अन्तर्राष्ट्रिय सुनुवाइमा भाग लिन नेदरल्यान्डको हेग प्रस्थान गर्ने क्रममा परराष्ट्रमन्त्री राणाले यस्तो बताएकी हुन् ।
परराष्ट्रमन्त्री राणाले बीआरआई सम्झौताबारे भइरहेको आलोचनालाई बचपना टिप्पणीको संज्ञा दिइन् ।
प्रधानमन्त्री केपी शर्मा ओलीको मंसिर १७ देखि २० गतेसम्मको चार दिने चीन भ्रमणका क्रममा नेपाल र चीनबीच ‘बीआरआई सहकार्य फ्रेमवर्क’ मा सहमति भएको थियो ।
उक्त सम्झौतामा ऋण लिने वा दिनेबारे कुनै निर्णय नभएको बताउँदै मन्त्री राणाले सम्झौताबारे बुझ्दै नबुझी टिप्पणी भइरहेको बताइन् ।
उनले ऋण लिने/दिने व्यवहार लिने पक्षको मञ्जुरी र आग्रहमा हुने भएकाले ऋण सम्झौता हस्ताक्षर गरियो भन्नु बचपना भएको बताइन् ।
नेपालले चीनसँग बिआरआई बाहेक अन्य कुनै सम्झौतमा हस्ताक्षर नगरेको पनि राणाले स्पष्ट पारेकी छन् ।
Facebook Comments
