ताप्लेजुङ-ताप्लेजुङको आठराई त्रिबेणी गाउँपालिकामा दाइले भाइको हत्या गरेका छन् ।

जिल्ला प्रहरी कार्यालयका प्रमुख डिसपी बेदप्रसाद गौतमका अनुसार आठराई त्रिबेणी गाउँपालिका वडा नं ४ चाँगेका २२ वर्षीय मनकुमार विकले आफ्नै भाइ २० वर्षीय रोशन विकको धारिलो हतियार प्रहार गरी हत्या गरेका हुन् ।

दाइ मनकुमारले भाइ रोशनलाई खुकुरीले पेटमा प्रहार गरी निर्मम हत्या गरेको प्रहरीले जनाएको छ । प्रहरीले मनकुमारलाई खुकुरीसहित नियन्त्रणमा लिएको जनाएको छ।

दाइ मनकुमार र भाइ रोशनबिच गमबुटका विषयमा सामान्य विवाद भएको खुलेको छ । प्रहरीले घटनाको थप अनुसन्धान थालेको छ ।