AarthikBikash
बुधबार, जेष्ठ १६, २०८१
  • होमपेज
  • राजनीति
  • जनताका पक्षमा दरिलो भूमिका खेल्न सांसदहरूलाई प्रधानमन्त्री प्रचण्डको निर्देशन

जनताका पक्षमा दरिलो भूमिका खेल्न सांसदहरूलाई प्रधानमन्त्री प्रचण्डको निर्देशन

  • सोमवार, माघ २२, २०८०
जनताका पक्षमा दरिलो भूमिका खेल्न सांसदहरूलाई प्रधानमन्त्री प्रचण्डको निर्देशन

काठमाडौं- प्रधानमन्त्री पुष्पकमल दाहाल ‘प्रचण्ड’ले पार्टीका सांसदहरूलाई सदनमा जनताका पक्षमा दरिलो भूमिका खेल्न निर्देशन दिएका छन् ।

माओवादी केन्द्रको संसदीय दलको कार्यालय सिंहदरबारमा आज बिहान बसेको बैठकमा बोल्दै प्रधानमन्त्री प्रचण्डले यस्तो निर्देशन दिएका हुन्।प्रधानमन्त्री प्रचण्डले भने,‘तपाईंहरू राम्रो तयारीका साथ संसद्मा प्रस्तुत हुनुहोस् । सरकारका काम र पार्टीको नीतिअनुसार दर्बिलो भएर प्रस्तुत हुनुहोस् ।सुशासन, सामाजिक न्याय र समृद्धिको पक्षमा अधिकतम कोशिस गरिएको छ । सरकारले राम्रा काम गरेका छन् । यी विषयमा सदनमा आफ्ना विषय प्रस्तुत गर्नुहोस् ।’

आगामी आर्थिक वर्षमा परिणाम निस्किनेगरी बजेट ल्याउने तयारी गरिएको जानकारी दिँदै प्रधानमन्त्रीले तीन करोडभन्दा साना योजनाहरू केन्द्रमा नराखी तल्लो तहमा पठाइने बताए ।

नीति तथा कार्यक्रम र बजेट निर्माणमा नयाँ पहल लिइएको जानकारी दिँदै उनले सांसद र जनताले समेत बहस गर्ने र उनीहरूको कुरा पनि समावेश हुनेगरी नीति तथा कार्यक्रम र बजेट बनाउनेगरी आगाडि बढिने बताए ।

Facebook Comments

सम्बन्धित समाचार