काठमाडौं– अस्ट्रेलियाको डार्विनमा आयोजना हुने टप इन्ड टी-२० सिरिज २०२६ मा नेपाल ‘ए’ टोलीले आज आफ्नो पहिलो खेल खेल्दैछ । नेपालले प्रतियोगिताको उद्घाटन खेलमा आयोजक टोली नर्थन टेरिटोरी स्ट्राइकसँग प्रतिस्पर्धा गर्न लागेको हो । खेल डार्विनस्थित डिएक्ससी एरिनामा नेपाली समयअनुसार आज दिउँसो २ः१५ बजे सुरु हुनेछ ।

अस्ट्रेलियाको घरेलु परिस्थितिमा खेल्न लागेको नेपाली टोलीका लागि पहिलो खेलमै राम्रो सुरुआत गर्ने चुनौती हुनेछ।नेपालले यस प्रतियोगितामा लगातार दोस्रो वर्ष सहभागिता जनाउन लागेको हो । नेपालले आजको खेलपछि अगस्ट २२ मा बंगलादेश हाई पर्फर्मेन्स, अगस्ट २४ मा होबार्ट हरिकेन्स एकेडेमी, अगस्ट २६ मा एसीटी कोमेट्स, अगस्ट २७ मा हाइड्राबाड किङ्समेन र अगस्ट २९ मा भिक्टोरियासँग खेल्नेछ। यस प्रतियोगितामा नेपालसहित नौ टोली सहभागी छन्।