AarthikBikash
शनिबार, असार २९, २०८१
  • होमपेज
  • राजनीति
  • सरकारले सत्तारुढ दलहरुसँग परामर्श नगरी बजेट ल्याएको केपी ओलीको आरोप

सरकारले सत्तारुढ दलहरुसँग परामर्श नगरी बजेट ल्याएको केपी ओलीको आरोप

  • शनिबार, जेष्ठ १९, २०८१
सरकारले सत्तारुढ दलहरुसँग परामर्श नगरी बजेट ल्याएको केपी ओलीको आरोप

काठमाडौं-नेकपा एमालेका अध्यक्ष केपी शर्मा ओलीले सरकारमा रहेका दलहरुबीच सल्लाह नगरी सरकारले बजेट ल्याएको आरोप लगाएका छन् ।

संसदीय दलको बैठकलाई सम्बोधन गर्दै अध्यक्ष ओलीले सत्तारुढ दलहरुसँग परामर्श नगरी बजेट ल्याइएको कताएका हुन् ।

उनले सरकारमा रहेका दलहरुबीच सल्लाह गरेर बजेट ल्याएको भए राम्रो हुने बताए ।

अध्यक्ष ओलीले भने,‘यो बजेट सरकारमा सहभागी दलहरुसँग परामर्श गरेर छलफल गरेर आएको भए धेरै राम्रो बजेट हुन सक्थ्यो । छलफल नहुँदा यो अर्थमन्त्रीको बजेट हो कि अर्थमन्त्रीको पार्टीको बजेट हो कि जस्तो देखिन गएको छ । रकमको बाँडफाँड पनि त्यस्तै गरेर अलि बढी एकातिर ढल्किएको जस्तो देखिन्छ।’

उनले बजेट अर्थमन्त्रीको हो कि अर्थमन्त्रीको पार्टीको हो भन्दै प्रश्न गरे ।अध्यक्ष ओलीले बजेटमा यो गम्भीर त्रुटि रहेको भन्दै यस विषयमा संसदमा खुलस्त छलफल गर्ने बताए ।

सांसदहरुले आफ्नो क्षेत्रमा बजेटको अवस्था के छ, कटौती भएको छ र अन्य क्षेत्रमा गएको छ भने कुरा उठाउन सक्ने उनले बताए ।

Facebook Comments

सम्बन्धित समाचार