काठमाडौं-स्थानीय प्रशासनबाट अनुमति नलिइ काठमाडौंको माइतीघरमा प्रदर्शनका लागि पुगेका ५० जनालाई प्रहरीले पक्राउ गरेको छ।

शनिबार बिहानदेखि माइतीघरमा जेनजी युनाइटेड नामक समुहले प्रदर्शनको नाममा १५ बर्ष मुनिका बालबालिकाहरुलाइ सडकमा उतारेको हो ।

उनीहरूलाई जिल्ला प्रहरी परिसर, काठमाडौंको टोलीले नियन्त्रणमा लिएको हो ।

स्थानीय प्रशासनको अनुमतिबिना प्रदर्शन गर्न खोजिएको र अन्य जेनजी समूहबीच सम्भावित मुडभेडबाट प्रदर्शनकारीकै असुरक्षा हुने देखिएकाले सोधपुछका लागि नियन्त्रणमा लिइएको प्रहरी परिसर, काठमाडौंले जनाएको छ । नियन्त्रणमा लिइएका ५० मध्ये २४ महिला र २६ पुरुष छन् । ​

जेनजी युनाइटेडका अगुवा मदन कार्कीले आफूहरूले स्वतन्त्र रुपमा प्रदर्शन गर्नका लागि जिल्ला प्रशासन कार्यालय, काठमाडौंबाट अनुमति माग्दा नपाएको बताए।

उनले प्रहरी प्रशासनले प्रदर्शनकारीलाई नियन्त्रणमा लिनु लोकतान्त्रिक नभएको बताए।

बिहिवार देखि माइतीघरमा सुरु भएको प्रदर्शनमा १५ बर्ष मुनिका बालबालिकाको बाक्लो उपस्थिति गराइएको थियो ।