शुक्रबार, बैशाख ४, २०८३
प्रधानमन्त्री बालेनको पूरानो र्याप ब्याटललाई लिएर साइबर ब्यूरोमा उजुरी
- शुक्रबार, बैशाख ४, २०८३
काठमाडौं – प्रधानमन्त्री बालेन्द्र शाह ‘बालेन’ विरुद्ध साइबर ब्यूरोमा उजुरी परेको छ ।
प्रधानमन्त्री बालेनको पूरानो र्याप ब्याटलको भिडियो सामाजिक सञ्जालमा भाइरल भएपछि त्यहाँ अस्वभाविक शब्दहरु बोलिएको ब्यूरोमा उजुरी परेको हो ।
शुक्रबार उक्त भिडियोलाई लिएर लैङ्गिक तथा यौनिक अल्पसंख्यक समुदायका सक्रिय सदस्य पवन राई (बाबु दुमी), विवेक मगर, रोजी पुन र मनिनन्द्र सिंह दनुवारले ब्यूरोमा उजुरी दर्ता गराएका हुन् ।
उनीहरूका अनुसार उक्त भिडियोमा प्रयोग भएका केही शब्द र सन्देशले महिला र लैङ्गिक तथा यौनिक अल्पसंख्यक समुदायलाई अपमानित गर्ने, घृणा फैलाउने तथा हिंसा, बलात्कारलाई प्रोत्साहन गर्ने खालमा रहेका छन् ।
साथै उनीहरूले जिम्मेवार सार्वजनिक पदमा रहेका व्यक्तिबाट विगतका यस्ता सामग्रीहरूको जवाफदेहिता आवश्यक रहेको स्पष्ट पारेका छन् ।
