आइतवार, मंसिर ९, २०८१
आइसल्याण्डको औपचारिक भ्रमणमा जाँदै राष्ट्रपति भण्डारी
- सोमवार, कार्तिक २१, २०७९
काठमाडौं – राष्ट्रपति विद्यादेवी भण्डारी आज सोमबार जनगणतन्त्र आइसल्याण्डको औपचारिक भ्रमणमा जाँदै छिन् ।
परराष्ट्र मन्त्रालयका अनुसार राष्ट्रपति भण्डारी महिला राजनीतिज्ञको विश्वव्यापी सञ्जाल ‘वुमन पोलिटिकल लिडर्स (डब्लुपीएल’कार्यक्रममा सहभागी हुन कात्तिक २१ देखि २६ गतेसम्म आइसल्याण्डको भ्रमणमा जान लागेकी हुन् ।
परराष्ट्र मन्त्रालयका सचिव भरतराज पौड्यालका अनुसार राष्ट्रपति भण्डारी १८ सदस्यीय नेपाली प्रतिनिधिमण्डलको नेतृत्व गर्दै आइसल्याण्ड भ्रमणमा जानेछिन् ।
भ्रमणका क्रममा राष्ट्रपति भण्डारीले ‘वुमन पोलिटिकल ट्रेलब्लेजर अवार्ड’ समेत ग्रहण गर्ने मन्त्रालयले जनाएको छ ।
राष्ट्रपति भण्डारी आज साँझ ६ बजे कतार एयरवेजको जहाजमार्फत त्यसतर्फ प्रस्थान गर्नेछिन् । मन्त्रालयका अनुसार उहाँ कात्तिक २६ गते बिहान ७ः३० बजे स्वदेश फर्कने कार्यतालिका छ ।
Facebook Comments
