кракен ссылкакракен ссылка
बुधबार, जेष्ठ २९, २०८२
यात्रामा सावधानी अपनाउन विपद् प्राधिकरणको आग्रह
- बुधबार, अशोज १६, २०८१
काठमाडौं-राष्ट्रिय विपद् जोखिम न्यूनीकरण तथा व्यवस्थापन प्राधिकरणले यात्रामा सावधानी अपनाउनु आग्रह गरेको छ ।
आजदेखि बागमती, कोशीसहितका केही ठाउँमा भारी वर्षा हुने सम्भावना रहेको भन्दै प्राधिकरणले उच्च सतर्कता अपनाउन आग्रह गरेको हो।
१८ गतेसम्म भारी वर्षाको सम्भावना कायम रहेकाले प्राधिकरणले निकालेर सतर्कता अपनाउन आग्रह गरेको छ ।
प्राधिकरणको सूचनामा भनिएको छ,‘असोज १० गतेदेखिको अति भारी वर्षाले धेरै स्थानको जमिन गलेको हुँदा सानो वर्षा थपिँदासमेत ठूलो पहिरो जान सक्ने र कुनै पनि खोलामा एक्कासी बाढी आउने जोखिम यथावत छ।’
प्राधिकरणले यात्राका क्रममा पनि सावधानी अपनाउन आग्रह गरेको छ। ठूलो पानी पर्दा सुरक्षित स्थानमा सवारी रोकेर तथा जोखिम हेर्दै यात्रा गर्न सूचनामार्फत आग्रह गरिएको छ ।
