काठमाडौं-हङकङमा जारी हङकङ सिक्सेसको उपाधि श्रीलंकाले जितेको छ ।

हङकङमा सम्पन्न फाइनल खेलमा पाकिस्तानलाई ३ विकेटले पराजित गर्दै श्रीलंकाले हङकङ सिक्सेसको उपाधि जितेको हो ।

पाकिस्तानले दिएको ७३ रनको लक्ष्य पछाएको श्रीलंकाले ५ ओभरमा ३ विकेट गुमाउदै लक्ष्य पुरा गरेको थियो ।

श्रीलंकाले यो उपाधि जितेको यो दोस्रो पटक हो । यस अघि श्रीलंकाले २००७ मा यो उपाधि जितेको थियो ।

यस बर्ष नेपालले पनि पहिलो पटक यस प्रतियोगितामा भाग लिएको थियो। नेपाल क्वाटरफाइनलमा श्रीलंकासँग पराजित भएको थियो ।

त्यसअघि समुह चरणको खेलमा नेपालले इङल्याण्ड र अस्ट्रेलियालाई पराजित गरेको थियो ।

त्यस्तै क्वाटरफाइनलमा पराजित भएको नेपाल प्लेट सेमिफाइनलमा भने युइएसँग पराजित भएको थियो ।