काठमाडौं – प्रतिनिधिसभा सदस्य सागर ढकाल राष्ट्रिय स्वतन्त्र पार्टी (रास्वपा) को केन्द्रीय सचिवालय सदस्यमा नियुक्त भएका छन्।

काठमाडौंको बनस्थलीस्थित पार्टी केन्द्रीय कार्यालयमा आइतबार पार्टी सभापति रवि लामिछानेले ढकाललाई पद तथा गोपनीयताको शपथ गराएका हुन्।पार्टीको केन्द्रीय समितिको वैशाख ७ गतेको बैठकले सचिवालय विस्तार गर्ने निर्णय गर्दै नयाँ सदस्यहरू थप गर्ने प्रस्ताव अनुमोदन गरेको थियो।

उक्त बैठकमा सागर ढकालसँगै सरिताश्री ज्ञवालीलाई समेत सचिवालय सदस्यका रूपमा मनोनयन गर्ने प्रस्ताव पारित भएको थियो।

जसअनुसार सचिवालय संरचना १६ सदस्यीय बनाइएको हो।

ढकालले सचिवालयमा रहेर पार्टीको दैनिक कार्यसम्पादन र रणनीतिक योजना तय गर्नेलगायत विभिन्न विभागहरूबीच समन्वयको जिम्मेवारी पाएका छन्।