काठमाडौं – देशभर जारी मतदानको प्रारम्भिक पाँच घण्टामा करिब ३२ लाख मत खसेको छ।

बिहान ७ बजेबाट सुरु भएको निर्वाचन प्रक्रियामा मध्यान्ह १२ बजेसम्मको विवरण अनुसार कुल ३१ लाख ९० हजार ८८ मतदाताले मतदान गरिसकेका छन् । जुन कुल मतदाताको करिब १६.८८ प्रतिशत हो।

प्रदेशगत रूपमा हेर्दा सबैभन्दा बढी मतदान दर काठमाडौं उपत्यकामा देखिएको छ। त्यहाँ २५.५५ प्रतिशत मत खसेको जानकारी प्राप्त भएको छ।

त्यसैगरी सबैभन्दा न्यून मतदान दर मधेश प्रदेशमा रहेको छ। मध्यान्हसम्म उक्त प्रदेशमा १०.४६ प्रतिशत मत मात्र खसेको विवरण उपलब्ध भएको छ।

सबै जिल्लामा उत्साहजनक मतदान भइरहे पनि केहि जिल्लामा तनावग्रस्त भएर केहि बेरका लागि मतदान स्थगित गरिएकोनिवार्चन आयोगले जनाएको छ ।