आइतवार, जेष्ठ १७, २०८३
एकैदिन २० हजार ५ सयले बढ्यो सुन
- आइतवार, जेष्ठ १७, २०८३
काठमाडौं – नेपाली बजारमा आज सुनको मूल्यमा व्यापक बढेको छ।
आज सुनको मूल्य २० हजार ५०० रुपैयाँ बढेको नेपाल सुनचाँदी व्यवसायी महासंघले जनाएको छ । महासंघका अनुसार आज छापावाल सुनको मूल्य प्रतितोला ३ लाख ११ हजार १०० रुपैयाँ कायम भएको छ।
यसअघि गत जेठ १५ गते सुन प्रतितोला २ लाख ९० हजार ६०० रुपैयाँमा कारोबार भएको थियो।
यसैगरी चाँदीको मूल्य पनि वृद्धि भएको छ। आज चाँदी प्रतितोला ५ हजार ३४५ रुपैयाँ पुगेको छ।
यसअघि जेठ १५ गते चाँदी प्रतितोला ५ हजार ४० रुपैयाँमा कारोबार भएको थियो।
